វត្តមានជនអន្តោប្រវេសន៍ខុសច្បាប់ ជាកត្តាមួយដែលនាំឲ្យប្រជាជនគាំទ្របក្សប្រឆាំង

យោងតាមCIA របស់អាមេរិច ជនជាតិវៀតណាមនៅប្រទេសកម្ពុជាមានចំនួន៥%នៃចំនួន ប្រជាជនសរុបជាង១៤លាននាក់។ ដូច្នេះ ជនជាតិវៀតណាមនៅប្រទេសកម្ពុជាមានចំនួន ប្រហែលជាង៧០ម៉ឺននាក់ នេះបើយោងតាម CIA។ អ្នកគាំទ្រគណបក្សប្រឆាំងនៅបរទេស មួយចំនួនតែងអះអាងពីតួលេខនៃជនជាតិវៀតណាមនៅស្រុកខ្មែរខុសៗគ្នា អ្នកខ្លះថាមាន ២លាននាក់ អ្នកខ្លះថាមាន៣លាននាក់ ហើយអ្នកខ្លះទៀតថាមាន៤លាននាក់ ប៉ុន្តែការអះអាង ទាំងនោះគ្មានវត្ថុតាង ឬ មូលដ្ឋានច្បាស់លាស់ដែលគួរឲ្យជឿទុកចិត្តបានទេ នោះគ្រាន់តែ ជាការប៉ាន់ស្មានពីមនុស្សម្នាក់ទៅមនុស្សម្នាក់តែប៉ុណ្ណោះ។ ចំណែកឯខាង CIA របស់អាមេរិច មិនដឹងថា តើគេសំអាងលើអ្វីដែរទេ។ ប៉ុន្តែបើយើងមើលពីស្ថានភាពជាក់ស្តែង នៅភ្នំពេញ ទីរួមខេត្តព្រៃវែង អ្នកលឿង កំពង់ឆ្នាំ និងខេត្តមួយចំនួនទៀតមានជនជាតិវៀតណាម មិនតិចទេ។ កាលពីប៉ុន្មានឆ្នាំមុន តួរលេខដែលអ្នកព័ត៍មានផ្សាយដោយផ្អែកលើក្រសួង មហាផ្ទៃ ជនជាតិវៀតណាមមានចំនួនជាង១០ម៉ឺនាក់ ប៉ុន្តែតួលេខនេះពិបាកជឿជាក់ដែរ។ បច្ចុប្បន្ន ជនជាតិវៀតណាមភាគច្រើនមានអត្តសញ្ញាណប័ណ្ណសញ្ជាតិខ្មែរកាន់ក្នុងដៃ ហើយ គេអាចសំគាល់បានតាមរយៈភាសា ដូចជា អត់សូវចេះនិយាយខ្មែរ ឬ និយាយខ្មែរ មិនច្បាស់ ដូច្នេះជាផ្លូវការជនជាតិវៀតណាមទាំងនោះត្រូវបានក្លាយជាជនជាតិខ្មែរទោះបីជាតាមវិធីស្របច្បាប់ ឬ ខុសច្បាប់ក្តី។

នៅកំឡុងពេលឃោសនាបោះឆ្នោត គណបក្សសង្រ្គោះជាតិក៍បានឃោសនាទាក់ទងនឹងជន អន្តោប្រវេសន៍ខុសច្បាប់ដែរ។ នៅក្នុងក្បួនដង្ហែរដែលភាគច្រើនជាយុវជនបានស្រែកឃ្លា ជាច្រើនទាក់ទងនឹងជនជាតិវៀតណាម ដូចជា ដូរៗ ដូរលេខយួន ដាក់លេខខ្មែរ ដូរស្រីយួន ដាក់ស្រីខ្មែរ ពួកយួនធ្លាក់ទឹក ហៃអើៗ ដេញយួនចេញ ដេញយួនចេញ ។ មិនត្រឹមតែប៉ុណ្ណោះ អ្នកដែលមានសម្បុរសហើយមិនគាំទ្រគណបក្សសង្រ្គោះជាតិត្រូវបានយុវជនសង្រ្គោះជាតិចោទ ថាជាយួន។ នៅតាមការិយាល័យបោះឆ្នោតមួយចំនួន ដូចជាការិយាល័យបោះឆ្នោតមួយ នៅវត្តចំប៉ា ខេត្តកណ្តាល អ្នកដែលត្រូវបានគេចោទថាជាយួនត្រូវបាន អ្នកទៅបោះឆ្នោតដទៃ ទៀតរាប់រយនាក់ស្រែកដេញចេញពីការិយាល័យបោះឆ្នោត។ បញ្ហាជនអន្តោប្រវេសន៍បាន ធ្វើឲ្យ ប្រជាជនងាកទៅគាំទ្រគណបក្សសង្រ្គោះជាតិព្រោះរដ្ឋាភិបាលមិនអាចទប់ស្កាត់ការហូរ ចូលជនអន្តោប្រវេសន៍ខុសច្បាប់។ ជនអន្តោប្រវេសន៍វៀតណាម បោះឆ្នោតឲ្យគណបក្ស ប្រជាជន នោះវៀតណាមកាន់តែច្រើន គណបក្សប្រជាជនបានសំឡេងឆ្នោតក៍កាន់តែ ច្រើនដែរ។ ប៉ុន្តែ វត្តមានជនជាតិវៀតណាមកកាន់តែច្រើនធ្វើឲ្យប្រជាជនខ្មែរកាន់តែច្រើនលែង គាំទ្រនិងឈប់បោះឆ្នោតឲ្យគណបក្សប្រជាជន ហើយទៅបោះឆ្នោតឲ្យគណបក្សសង្រ្គោះជាតិ កាន់តែច្រើនទៅវិញ។

គណបក្សប្រជាជនអាចបានសំឡេងឆ្នោតពីជនជាតិវៀតណាមខ្លះ ប៉ុន្តែគណបក្សប្រជាជន ក៍បាត់សំឡេងឆ្នោត យ៉ាងច្រើនពីអ្នកដែលមិនពេញចិត្តវត្តមាននៃជនអន្តោប្រវេសន៍ ខុសច្បាប់ ឧទាហរណ៍ បក្សប្រជាជនបានសំឡេងឆ្នោតពីវៀតណាម១ តែបាត់សន្លឹកឆ្នោតពីខ្មែរ១០ទៅ គណបក្សសង្រ្គោះជាតិក៍ដោយសារវៀតណាមដែរ។អ្នកគាំទ្រគណបក្សប្រជាជនមួយចំនួនខំ ការពារចំពោះវត្តមាននៃជនជាតិណាមដោយលើកឡើងថា ជនជាតិវៀតណាមទាំងនោះមក នៅប្រទេសកម្ពុជាជាច្រើនឆ្នាំមកហើយ អ្នកខ្លះទៀតនិយាយថា កុំតែបានយួនមកជួយ កុំអីត្រូវ ស្លាប់ក្នុងសម័យខ្មែរក្រហមអស់ហើយ កុំរើសអើងប្រកាន់ពូជសាសន៍ ហើយមានមួយចំនួនតូច និយាយថាស្រុកខ្មែរគ្មានយួនទេ។ ទោះបីជាពួកគេខិតខំលាក់បំបាំងវត្តមានជនជាតិវៀតណាម ខុសច្បាប់នៅកម្ពុជាយ៉ាងណាក៍មិនជិតដែរ  ដូចសុភាសិតខ្មែរបានពោលថា ដំរីស្លាប់យកចង្អេរ បាំងមិនជិតទេ ឬ គេមិនអាចយកក្រដាសខ្ចប់ភ្លើងបានទេ។